Ս.թ. հոկտեմբերի 30-ից նոյեմբերի 1-ը Հունաստանի (Կոմոտինի) «Դեմոկրիտուս» համալսարանում հայ, հույն և ռուս գիտնականների մասնակցությամբ կազմակերպվեց ռուսական և հայկական ժողովրդագրությանը նվիրված միջազգային գիտաժողով` «Ռուսական և հայկական ժողովրդագրություն. Ավանդույթ և արդիականացում» խորագրով:

Գիտաժողովի 36 մասնակիցների կողմից, ներկայացվեցին 34 փաստաթղթեր:

Գիտաժողովին հայ գիտնականներից հանդես են եկել Հայաստանի Գիտությունների ազգային ակադեմիայի հնագիտության և ազգագրության անդամ, դոկտորներ՝ Լևոն Աբրահամյանը, Գայանե Շագոյանը, Աղասի Թադևոսյանը, Ռուսաստանի գիտությունների ակադեմիայի ազգագրության ինստիտուտի անդամ դոկտոր Ալլա Տեր-Սարգիսյանցը, Հունաստանից հին հունարենի գիտական դասավանդման դոկտոր Խարա Կոսեղյանը և «Հայ-հունական հետազոտությունների կենտրոն»-ի քարտուղար, գրող Հովսեփ Քասեսյանը: Մասնակիցները հանդես եկան Հունաստանում հայերի ներկայության և մասնագիտական զբաղմունքի, հետխորհրդային քաղաքային տարածքի կառուցման գործում հիշողության ու մոռացության, հայկական ավանդական հագուստի, տեղական տարազների ներկայացման, հետխորհրդային Երևանում և Գյումրիում իրավունքի ու առօրյա կյանքի մասին տարբեր զեկույցներով: