Ավստրիայի հայ համայնքի մշակույթը
Ավստրիահայ համայնքի առանձին ներկայացուցիչներ աչքի են ընկել նաև մշակույթի բնագավառում: Գեղանկարիչներ հայր և դուստր Մաքսիմիլիան Ֆլորիանը (1901-82) և Հենրիետ Ֆլորիանը (ծ. 1938) մասնակցել են մի շարք միջազգային ցուցահանդեսների:
Երաժշտության ասպարեզում հայտնի են Վիեննայի օպերային թատրոնի մենակատար Սոնա Ղազարյանը, դաշնակահարներ պրոֆ. Ավետիս (Ավո) Գույումջյանը, Սեդա Դանիելը, Սեդիկ Ասատրյանը և ուրիշներ: Հայտնի էր մոդեռն երաժշտության կոմպոզիտոր Ավետիս Ճամբազյանը:
1970-80-ին համայնքում գործել են երգչախմբեր, որոնք ելույթներ են ունեցել Ավստրիայում և այլ երկրներում: 1980-ական թթ. գործել է Հայ միջազգային ֆիլմարվեստի միությունը (հետագայում դարձավ Ավստրո-հայկական մշակութային ընկերություն): Միության և համայնքի ուժերով նկարահանվել են վավերագրական կինոնկարներ «Հայկական վանքերը Պարսկաստանում», «3000 տարի Հայաստան», «Վիեննական հանդիպումներ» և այլն: Դոկտոր Արտեմ Օհանջանյանը նկարահանել է Հայաստանին և Արցախին նվիրված մի շարք ֆիլմեր, որոնք ցուցադրվել են Ավստրիայի և Եվրոպայի հեռուստաալիքներով:
Աղբյուրը՝ <<Հայ Սփյուռք հանրագիտարան>>, գլխ. խմբ. Հովհ. Այվազյան, Հայկական հանրագիտարան հրատ., Երևան, 2003, էջ 96-97:
Տես նաև՝
Ավստրիայի հայ համայնքի դպրոցը:
Ավստրիայի հայ համայնքի եկեղեցին:
Ավստրիայի հայ համայնքի հասարակական-քաղաքական կյանքը:
Գիտության (Ավստրիայի հայ համայնք):
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.historyofarmenia.am