Սփյուռքի հայ համայնքներում ազգային ինքնության պահպանմանը, երիտասարդների շրջանում հայոց լեզվի իմացության մակարդակի բարձրացմանը, Սփյուռքի ԶԼՄ-ների գործունեությանը, ինչպես նաև համայնքների ինքնակազմակերպման աջակցության նպատակով ՀՀ սփյուռքի նախարարությունը Երևանի պետական համալսարանի բազայի վրա 2014 թ. կազմակերպում է «Սփյուռք» ամառային դպրոց, որի շրջանակում հուլիս 21-ին ԵՊՀ Հայագիտական հետազոտությունների ինստիտուտում մեկնարկեց Սփյուռքի լրագրողների դասընթացը: Այն կտևի մինչև օգոստոսի 2-ը: Ժուռնալիստիկայի ֆակուլտետում դասընթացի բացման պաշտոնական արարողությունից հետո, ներկայացնելով ծրագիրը, ծանուցման խոսքով հանդես եկան Օտարերկրյա քաղաքացիների նախապատրաստական ֆակուլտետի հանրակրթական առարկաների ամբիոնի վարիչ Կամո Աթայանը և ՀՀ սփյուռքի նախարարության տեղեկատվական-վերլուծական բաժնի պետ Նվեր Նալբանդյան: Ծրագրի առաջին դասախոսությունը «Հայագիտության արդի մարտահրավերները համացանցում» առարկայի շրջանակում կարդաց  ՀՀԻ փոխտնօրեն Մհեր Հովհաննիսյանը: Ավարտին ծրագրի մասնակիցները ծանոթացան Ինստիտուտի աշխատանքներին: